TamilNadu Thowheed Jama'ath | Adiyakkamangalam
அல்லாஹ்வின் திருப்பெயரால்...
FLASH NEWS:

Wednesday, October 26, 2011

உலகிலேயே விலை குறைந்த Tablet இப்போது இந்தியாவில் அறிமுகம்



Amazonன் Kindle fire எனும் Tablet தான் குறைந்த விலை Tablet ஆக் இருந்தது.  இதன் விலை 200 டாலர்கள் [இந்திய ரூபாயின் மதிப்பு சுமார் 9800 ஆகும்].   தற்போது Aakash எனும் Tablet அறிமுகம் செய்யப் பட்டுள்ளது. இதன் விலை சந்தையில் 60 டாலர்கள் [இந்திய ரூபாயின் மதிப்பு சுமார் 2900 ஆகும்].  இந்திய அரசாங்கம் மாணவர்களுக்கு மானிய விலையில் 35 டாலர்களுக்கு [இந்திய ரூபாயின் மதிப்பு சுமார் 1700க்கு] தருகிறது.   அறிமுக காலத்தில் ஒரு லட்சம் Tabletஐ இலவசமாக வழங்குகிறது.  அறிமுக நாளன்று 500 Tablet வழங்கப்பட்டன.  தகவல் தொடர்புத் துறை அமைச்சர் திரு. கபில் சிபல் இந்த Tabletஐ அறிமுகம் செய்து வைத்தார்.  பணக்காரர்கள் மட்டுமே பயன்படுத்தி வந்த இந்த தொழில்நுட்பம் தற்பொழுது ஏழைகளும் பயன்படுத்த முடியும் என தெரிவித்தார்.  இந்த Tablet இந்தியாவிலேயே தயாரிக்கப்படுகிறது. இந்த Aakash Tabletன் வேகம் குறைவாக உள்ளது என சிலர் தெரிவிக்கின்றனர்.
Aakash Tabletன் விவரம்
- Android 2.2
- 7inch தொடு திறை
- 350 கிராம் எடை
- 32 GB Internal Memory
- 256 MB RAM
- இரண்டு USB Port
- 2100 mAh battery
- இரண்டு அல்லது மூன்று மணி நேரம் பயன்படுத்த முடியும்.
வட இந்தியாவில் இந்த Tabletஐ 118 degree Fahrenheitல் வைத்து பரிசோதித்து பார்க்கப்பட்டது. Datawind என்ற British நிறுவனமும் இந்திய தொழில்நுட்ப நிறுவனமான  IITயும் இணைந்து இந்த Tabletஐ உருவாக்கியுள்ளனர். இன்னும் சில மாதங்களில் Aakash Tablet சந்தைக்கு விற்பனைக்கு வருகின்றது.

அடியக்கமங்கலம் வார்டு உறுப்பினர்களின் விபரம்


அடியற்கை ஊராட்சியின் தலைவர், உறுப்பினர் மற்றும் வார்டு உறுப்பினர் பற்றிய விபரங்கள் :-

தலைவர் : ஜனாப். S.M.J நிஜாமுதீன்,

உறுப்பினர் : திரு. R.D. முத்து,

1 வார்டு : திரு. P. தங்கதுரை.


2 வார்டு : திரு. P. பாரதி மோகன்.

3 வார்டு : திரு. S. ஞானசேகர்.

4 வார்டு : திரு. P. ராஜீவ் காந்தி.

5 வார்டு : திருமதி. K. லலிதா.

6 வார்டு : ஜனாப். A. அமானுல்லாஹ்.

7 வார்டு : ஜனாப். M. அய்யூப் கான்.

8 வார்டு : ஜனாப். U. உம்மா சல்மா.


வார்டு :


10 வார்டு : ஜனாப். M. அப்துல் ஹலீம்.

11 வார்டு : ஜனாபா R. பரக்கத் நிஷா.

12 வார்டு : திரு. P. சுரேஷ் குமார்.

Sunday, October 23, 2011

புதிய ஊராட்சி மன்ற தலைவரிடம் பேட்டி

அடியக்கமங்கலம் ஊராட்சி மன்ற தலைவராக வெற்றிப் பெற்றுள்ள நமதூர் SMJ.நிஜாமுதீன் அவர்களை தமிழ்நாடு தவ்ஹீத் ஜமாஅத்-(TNTJ) அடியக்கமங்கலம்-கிளை சார்பாக செய்தி தொகுப்பாளர்கள் சந்தித்து பேட்டி எடுத்தோம்.


வாழ்த்துகள் தெரிவித்து கேள்வியை தொடங்கினோம்.

கேள்வி 1: இந்த வெற்றியை எவ்வாறு நினைக்கின்றிர்கள்?

இதை நான்  வெற்றியாக நினைக்கவில்லை இறைவனுக்கே எல்லா புகழும் என்று கூறினார். 

கேள்வி 2:எதிர்காலத்தில் என்ன திட்டம் வெச்சிருக்கின்றீர்கள்?


தமிழ்நாட்டில் முதல் ஊராட்சியாக் மாற்றுவேன் அது தான் எனது எதிர்காலத்தில் திட்டம் என்று கூறினார்.

கேள்வி 3:தேர்தல் அறிக்கையில் உள்ள வாக்குறுதிகளை விரைந்து முடிப்பீர்களா?

கண்டிப்பாக நான் கொடுத்த  வாக்குறுதிகளை விரைந்து முடிக்க என்னால் ஆன முயற்சி செய்வேன்.


கேள்வி 4:  ஏன் ஊராட்சி மன்ற தலைவர் ஆக நினைத்தீர்கள்?


ஊர்ருக்கும் மக்களுக்கும் நல்லது செய்ய வேண்டும் என்ற நல்ல எண்ணம் தான் காரணம்.ஊர்ருக்காக நல்ல ஆக்கபூர்வமான பல நல்ல பணிகள் செய்ய வேண்டுமானால்  ஊராட்சி மன்ற தலைவர் ஆனால் தான் செய்ய முடியும்.

கேள்வி 5:  இந்த யோசனை எப்பொழுது வந்தது?


மூன்று ஆண்டுக்கு முன்பே நான் முடிவு செய்தது தான்.

கேள்வி 6:  அனைத்து தரப்பு மக்களுக்கும் நீதியாக நியமாக நடப்பிர்களா?

கண்டிப்பாக அனைத்து தரப்பு மக்களும் எனக்கு வாக்களித்தார்கள் ஆகவே நான் நீதியாக நியமாக நடப்பேன்.ஜாதி மத சார்பற்று நடப்பேன் என்று கூறினார்.

கேள்வி 7:  குப்பைகள் கிடப்பது பற்றி சில இடங்களை மட்டுமே நோட்டிஸில் குறிப்பிட்டிருந்திர்கள் அதை விட அதிகமான குப்பை உள்ள இடங்களை ஏன் குறிப்பிடவில்லை?


எடுத்துக்காட்டுகாக போட்டது.அனைத்தையும் போட முடியாது அதிகமாக செலவாகும் அதனால் தான் நான்கு இடங்களை மட்டும் போட்டேன்.

கேள்வி 8: வார்டு உறுப்பினர்களையும் ஒருக்கிணைப்பீர்களா?


கண்டிப்பாக செய்வேன் ஒற்றுமையாக இருந்தால் தான் நன்கு செயல்பட முடியும்.



கேள்வி 9:   வார்டு உறுப்பினர்கள் கருத்துகளை கேட்டு செயல்படுவீர்களா?


ஆம் என் கருத்துகளை விட எதிர் கருத்துகளை மதிப்பேன் முன்னுறிமை கொடுப்பேன்.


கேள்வி 10: ஊழள் மற்றும் லஞ்சங்கள் இல்லாத நிர்வாகம் இருக்குமா?

       கண்டிப்பாக இவைகள் இல்லாத் நிர்வாகம் இருக்கும் இன்ஷா அல்லாஹ்...என்று கூறினார்.

செய்தி தொகுப்பாளர்கள்:-
S.சிராஜ் & A.ருமைஸ்...

ஊராட்சி மன்ற தேர்தல் முடிவுகள்-2011

ஊராட்சி மன்ற தலைவர்கான பதவிக்கு போட்டியிட்டவர்கள் மற்றும் அவர்கள் பெற்ற ஒட்டுகள்...



சகோ- SMJ.நிஜாமுதீன் அவர்கள் 982 ஒட்டு பெற்று வெற்றி பெற்றார்.



ஊராட்சி ஒன்றியக்குழு உறுப்பினருக்கு போட்டியிட்டவர்கள் மற்றும் அவர்கள் பெற்ற ஒட்டுகள்...

சகோ- R.D.முத்து அவர்கள் 1404 ஒட்டு பெற்று வெற்றி பெற்றார்.


தர்பியா முகாம்


அல்லாஹ்வின் மாபெரும் கிருபையால் 23-10-11 ஞாயிறு காலை சரியாக 11:00 மணியளவில் தர்பியா நல் ஒழுக்கப் பயிற்சி அடியக்கமங்கலம் ராஜாத் தெரு தவ்ஹீத் மர்க்கஸில் நடைப்பெற்றது.

Friday, October 21, 2011

இஸ்லாத்தை தழுவிய செந்தில்குமார்


செந்தில்குமார் என்ற சகோதரர் மன்னார்குடி சோங்குளத்தை சார்ந்தவர் இவர் கடந்த ஒரு மாதத்திற்கு முன்பே இஸ்லாத்தை ஏற்றுக்கொள்ள விருப்பம் தெரிவித்திருந்தார் 21-10-2011 வெள்ளி ஜும்ஆ தொழுகைக்கு பிறகு அடியக்கமங்கலம் ராஜாத் தெரு தவ்ஹீத் மர்க்கஸில் TNTJ-நிர்வாகிகள் மற்றும் உறுப்பினர்கள் முன்னிலையில் இஸ்லாத்தை ஏற்றுக் கொண்டார் இவருக்கு கலிமா சொல்லி கொடுக்கப்பட்டு இஸ்லாமிய அடிபடை கல்வி புத்தகம் வழங்கப்பட்டது.இவரின் (செந்தில்குமாரின்) மூத்த சகோதரர் இஸ்லாத்தை ஏற்று கொண்டுள்ளார் என்பதும் குறிப்பிடத்தக்கது.


புலிவலம் அணஸ் அவர்கள் கலிமா சொல்லி கொடுத்தார்.

இன்ஷா அல்லாஹ் தூய்மையான மார்க்கத்தை இன்னும் பல மாற்று மத சகோதரர்கள் அறிந்து கொள்வதற்க்கு உங்களது தூஆவையும் பொருளாதாரத்தையும் தந்து இறைவனின் அன்பையும் அருளையும் பெற்றுக்கொள்ளவும்...

Wednesday, October 19, 2011

அடியக்கமங்கலம் ஊராட்சி மன்ற தேர்தல்


அடியக்கமங்கலம் ஊராட்சி மன்ற தேர்தல் இன்று 19-10-11 நடைப்பெற்றது.
இதில் ஆண்களும், பெண்களும் ஆர்வத்துடம் அவர்களது ஒட்டை பதிவு செய்தனர்.பலத்த போலிஸ் பாதுகாப்புடன் நடந்த இத்தேர்தலில் அனைத்து தரப்பினரும் அமைதிகாத்தனர்.வேட்பாளர்கள் கொடுத்த வக்குறுதிகளை நிரைவேற்றுவார்கள் என்ற எண்ணத்துடன் மக்கள் தகுதியான ஆட்களுக்கு ஆதரவு அளித்தனர்.வெற்றி யாருக்கு என்பதை பொருத்து இருந்து பார்ப்போம்.

கேட் தேர்விற்கு நேர மேலாண்மை அவசியம்




கேட் தேர்வு முறையில் செய்யப்பட்டுள்ள மாற்றத்தால் மாணவர்கள் கவலைப்படத் தேவையில்லை. முதலில் உங்களுக்கு ஏற்ற பாடப்பிரிவில் இருந்து பதிலை துவக்குங்கள், அதற்கு முன் கேள்வியை நன்கு படித்து பாருங்கள் என்று கல்வியாளர்கள் தெரிவித்துள்ளனர்.
இந்தியன் இன்ஸ்டிடியூட் ஆப் மேனேஜ்மென்ட் கல்வி மையங்கள் வழங்கும் ஏம்.பி.ஏ. படிப்பில் சேர நடத்தப்படும் இந்த காமன் அட்மிஷன் டெஸ்ட் (கேட்) அக்டோபர் 22ம் தேதி முதல் நவம்பர் 18ம் தேதி வரை நடைபெற உள்ளது.
3,000 மாணவ சேர்க்கை இடங்களுக்காக சுமார் 2,05,000 மாணவர்கள் கேட் தேர்வை எழுத உள்ளனர். புதிய தேர்வு முறையில் 2 தேர்வுகள் நடத்தப்படும். முதல் தேர்வில் குவான்டிடேட்டிவ் அபிலிடி மற்றும் டேட்டா இன்டர்பிரிடேஷன் பகுதிகள் அடங்கியிருக்கும்.
இரண்டாவது தேர்வில் வெர்பல் அபிலிடி மற்றும் லாஜிகல் ரீசனிங் பகுதிகளில் இருந்து கேள்விகள் இடம்பெற்றிருக்கும்.
இந்த தேர்வுகளில், ஒவ்வொரு பகுதிக்கும் என தனித்தனியாக நேரம் ஒதுக்கப்படும். அதாவது ஒரு தேர்வுக்கு 140 நிமிடங்கள் வழங்கப்படும். இதில் ஒரு பகுதிக்கு பதில்களை எழுதி முடிக்க 70 நிமிடம், அடுத்த பகுதிக்கு 70 நிமிடம் என பிரித்து வழங்கப்படும்.
இதுவரை, மொத்தமாக 1.35 நிமிட நேரம் மாணவர்களுக்கு ஒதுக்கப்பட்டுவிடும், ஒன்றை எளிதாக முடிக்கும் மாணவர், அடுத்த பகுதிக்குச் சென்று அதிக நேரம் ஒதுக்கி அதை முடிக்க இயலும். ஆனால் தற்போதைய முறையில், ஒவ்வொரு பகுதிக்கும் என தனித்தனியாக நேரம் ஒதுக்கப்பட்டுள்ளதால், அனைத்து பாடப்பிரிவிலும் மாணவர்கள் திறமையுடன் செயல்பட வேண்டியது அவசியமாகிறது.
ஒரு வேளை முதலில் நீங்கள் எடுக்கும் பகுதியை 70 நிமிடங்களுக்குள் முடித்துவிட்டாலும், அடுத்த பகுதியை எழுத முடியாது, 70 நிமிடம் முடிந்த பிறகே அடுத்த பகுதியை எழுதத் துவங்க வேண்டும். இது மாணவர்களை சற்று பாதிக்கும் விஷயமாகவே கல்வியாளர்கள் கருதுகிறார்கள்.
மேலும், நேர மேலாண்மை என்பதே இந்த நுழைவுத் தேர்வுக்கு அடிப்படையான ஒன்றாக அமைந்துள்ளது.
உங்களுக்கு எந்த பகுதி எளிதாக வருமோ அதை முதலில் தேர்வு செய்யுங்கள். எந்த வொரு கேள்வியையும் நன்கு நிதானமாக படித்துப் பாருங்கள். ஒவ்வொரு கேள்விக்கும் ஒரு மாணவர் 2.3 நிமிடங்களை மட்டுமே செலவிட வேண்டும். அதிகபட்சமாக 2.5 நிமிடங்களில் பதிலை முடித்துவிட வேண்டும் என்று கல்வியாளர்கள் தேர்வெழுதவிருக்கும் மாணவர்களுக்கு அறிவுரை வழங்கியுள்ளனர்.
ஏராளமான இணையதளங்கள், இலவச வினாத்தாள் மாதிரிகளை வெளியிட்டுள்ளன. அவற்றில் தேர்வெழுதி மாணவர்கள் பயிற்சி மேற்கொள்ளலாம். நேர மேலாண்மையையும் அப்போது கணக்கில் வைத்துக் கொள்ளலாம்.
பாடங்கள் எதுவும் மாற்றப்படவில்லை, நேரப் பங்கீடு மட்டுமே மாற்றி அமைக்கப்பட்டுள்ளது. நேர மேலாண்மையை கவனத்தில் கொண்டு பயிற்சி எடுத்தால் அதையும் எளிதாக செய்ய முடியும். வாழ்த்துக்கள்.
நன்றி-தினமலர்

Monday, October 17, 2011

பெண்கள் பேண்ட் அணியலாமா

கேள்வி:
ங்கு அரபு தேசத்தில் பெண்களில் அதிகமானோர் ஆண்கள் அணியும் பான்ட் மற்றும் சட்டை அணிந்து அதன் மேல் பர்தா அணிந்து கொள்கிறார்கள். இஸ்லாமிய மார்க்கத்தில் இப்படி அணிந்து கொள்வது சரியா? அல்லது ஆண்கள் ஆடை பெண்களுக்கு ஹராமா?






பதில்:

ஆண்கள் பெண்களைப் போலவும் பெண்கள் ஆண்களைப் போலவும் நடக்கக் கூடாது என்று நபிகள் நாயகம் ஸல் அவர்கள் தடை செய்துள்ளார்கள்.
இப்னு அப்பாஸ் (ரலி) அவர்கள் கூறியதாவது:
"அல்லாஹ்வின் தூதர் (ஸல்) அவர்கள் ஆண்களில் பெண்களைப் போல ஒப்பனை செய்துகொள்பவர்களையும், பெண்களில் ஆண்களைப் போல ஒப்பனை செய்து கொள்பவர்களையும் சபித்தார்கள்.
இதே ஹதீஸ் மற்றோர் அறிவிப்பாளர் தொடர் வழியாகவும் அறிவிக்கப்பட்டுள்ளது".
புஹாரி 5885

இது ஆடையை மட்டும் குறிப்பதல்ல. எல்லா வகையிலும் ஒரு பாலரைப் போல் இன்னொரு பாலர் இருக்கக் கூடாது என்று பொதுவாகக் கூறும் ஹதீஸ் ஆகும். இதில் ஆடையும் அடங்கும் என்பதில் சந்தேகம் இல்லை.

ஆனால் இதைச்
சரியான முறையில் புரிந்து கொள்ள வேண்டும்.

ஆண்கள் அணியும் எந்த ஆடையையும் பெண்கள் அணியக் கூடாது என்று பொருள் கொள்வதா?

அல்லது மார்க்கத்தின் அடிப்படையில் ஆண்களுக்கு ஏற்ற ஆடையை பெண்களும் பெண்களுக்கு ஏற்ற ஆடையை ஆண்களும் அணியக் கூடாது என்று பொருள் கொள்வதா?

அணியும் ஆடை என்று பொருள் கொள்வதை விட அணியத்தக்க ஆடை என்று பொருள் கொள்வது தான் பொருத்தமானது.

இறுக்கமான பேண்ட்களாக இருந்தால் அது பெண்களுக்கு ஏற்றது அல்ல. தொய்வானதாக இருந்தால் அது பெண்களுக்கு ஏற்ற உடை தான்.

அதே நேரத்தில் சேலை ஜாக்கெட் போன்றவை பெண்களின் ஆடை என்று அறியப்பட்டாலும் அது பெண்களின் உடலை மறைக்காததால் (உள்ளாடையாக அல்லது வீட்டில் மஹ்ரம் மத்தியில் இருந்தால் தவிர) அது பெண்களின் ஆடை அல்ல.

ஆண்கள் அணிவதெல்லாம் ஆண்களின் ஆடை அல்ல. பெண்கள் அணிவதெல்லாம் பெண்கள் ஆடை அல்ல என்பதை நபிகள் நாயகம் (ஸல்) அவர்கள் காலத்து நடைமுறையும் நமக்கு விளக்குகிறது.

Sunday, October 16, 2011

பெண்கள் பயான்



16-10-11 இன்று மாலை 4:30 மணியளவில் ராஜாத் தெரு தவ்ஹீத் மர்க்கஸில் பெண்கள் பயான் நடைப்பெற்றது.ஏராளமான பெண்கள் கல்ந்து கொண்டு பயன் பெற்றனர்.

Saturday, October 15, 2011

எழுச்சியுடன் நடைப்பெற்ற பெண்கள் பயான்


அல்லாஹ்வின் மாபெரும் கிருபையால் 09-10-11 ஞாயிறு மாலை 4:00 மணிக்கு அடியக்கமங்கலம் ராஜாத் தெரு தவ்ஹீத் மர்க்கஸில் பெண்கள் பயான் நடைப்பெற்றது.இதில் 3 ஆலிமாக்கள் உரைநிகழ்த்தினார்கள்.

Wednesday, October 5, 2011

புனித ஹஜ் செல்வோர் கவனத்திற்க்கு...!

மருத்துவரின் பார்வையில்...


புனித மிக்க ரமாலான் மாதம் முடிந்து,ஹஜ்ஜை எதிர்நோக்கி உள்ளோம்.இன்ஷா அல்லாஹ் ஹஜ் செல்வதற்க்கு வாய்ப்பு கிடைத்தவர்கள்,மனதளவில் ஹஜ் செல்வதற் க்கு தங்களை தயார்படுத்தத் துவங்கி விட்டார்கள்.இந்தசமயத்தில் ஹஜ் செல்வோர் தங்கள் உடல் குறித்து தெரிந்து கொள்ளவேண்டிய சில குறிப்புகளைத் தர விரும்புகிறேன்.
நான் 1997ஆம் ஆண்டு சவுதி அரசின் மருத்துவராக ஹஜ்ஜின் போது பணியாற்றிய எனது அனுவத்தின் சில ஆலோசனைகளை இனைத்து உள்ளேன்.

1)ஹஜ் செல்ல நாடி உள்ளவர்கள் ஹஜ்ஜுக்குச் செல்லும் முன் தங்கள் உடன்நலன்களை நல்ல முறையில் பரிசோதித்து,ஹஜ்ஜுக்கு செல்ல தயார் பண்ணிக்கொள்ள வேண்டும்.

2)நெடுநாளைய நோய்களான சக்கரை என்னும் சுகர்,HIGH BP,ஆஸ்துமா,வலிப்பு,இருதய நோய் உள்ளவர்கள்,தங்கள் மருத்துவரை கலந்து ஆலோசித்து,தங்கள் நோயை நன்றாக கட்டுப்பாட்டில் வைத்துக்கொள்ள வேண்டும்.

3)நெடுநாளைய நோய்களான சக்கரை என்னும் சுகர்,HIGH BP,ஆஸ்துமா,வலிப்பு,இருதய நோய்க்கான மாத்திரைகளை தேவைக்கு கொஞ்சம் அதிகமாகக் கொண்டு செல்ல வேண்டும்.அனைத்து மாத்திரைகளும்,ஒரே பேக்கில் வைக்காமல்,பல பேக்குகளில் பிரித்து வைத்துக்கொள்ளவேண்டும்.அப்போது தான் ஒரு பேக் தொலைந்து போனால் கூட,இடைவெளி இல்லாமல் தொடர்ந்து போட மாத்திரைகள் இருக்கும்.தங்கள் மாத்திரைகளின் பெயர்களையும் (BRAND NAME) அதன் மூலக்கூறு பெயர்களையும்(CHEMICAL OR MOLECULE NAME) தெரிந்து வையுங்கள்.அப்போது தான் மாத்திரை முடிந்துவிட்டாலோ அல்லது தொலைந்துவிட்டாலோ, சவுதியில் அந்த மாத்திரைகள் மருத்துவரிடம் அல்லது டிஸ்பென்சரியில் கேட்டுப் பெற வசதியாக இருக்கும் (எல்லா நாடுகளிலும் மூலக்கூறு மருந்தின் பெயர் ஒன்று தான்,BRAND NAME தான் நாட்டுக்கு நாடு மாறுபடும்)

4)சவுதி அரசும் அதன் சுங்கத்துறையும்,அந்நாட்டு மருந்து கட்டுப்பாட்டு துறையின் அனுமதி இல்லாத மற்ற நாட்டு மருந்துகளை,தங்கள் நாட்டில் அனுமதி அளிப்பது இல்லை.என்றாலும் நீங்கள் உபயோகப்படுத்அதும் மருந்துகளைக் கொண்டு செல்லலாம்.ஆனால் அந்த மருந்துகளுக்கு தேவையான டாக்டர் PRESCRIPTION கண்டிப்பாகக் கொண்டு செல்ல வேண்டும்.அந்த டாக்டர் PRESCRIPTION இல்,உங்கள் பெயர் உங்கள் பாஸ்போர்ட்டில் எப்படி பெயர் உள்ளதோ அதே பெயர் அப்படியே,ஸ்பெல்லிங் தவறு இல்லாமல் குறிப்பிடுவது அவசியம் டாக்டர் சீட்டில்.PASSPORT நம்பர் பதிவு செய்வது இன்னும் நல்லது.

Sunday, October 2, 2011

செல்லப் பிராணிகளை வளர்க்கலாமா?



செல்லப் பிராணிகளை வீட்டில் வளர்க்க இஸ்லாத்தில் எந்தத் தடையும் இல்லை. சில பிராணிகளை வீட்டில் வளர்க்கலாகாது என்பது பிற மதத்தவர்களிடமிருந்து நம்மவர்கள் படித்துக் கொண்ட மூடக் கொள்கைகள்.
ஆயினும், உயிரினங்களை வளர்ப்பவர்கள் கடைப்பிடிக்க வேண்டிய சில ஒழுங்குகள் உள்ளன. அவற்றை அவசியம் பேண வேண்டும்.

உயிருள்ள எதனையும் (அம்பு எய்து பழகுவதற்கான) இலக்காக ஆக்குவதை நபிகள் நாயகம் (ஸல்) அவர்கள் தடை செய்தார்கள்.
அறிவிப்பவர் : இப்னு உமர் (ரலி)
நூல் : முஸ்லிம் 3617
உயிர்ப் பிராணிகள் வதைக்கப்படுவதை நபிகள் நாயகம் (ஸல்) அவர்கள் தடுத்துள்ளார்கள்.
அறிவிப்பவர் : அனஸ் (ரலி)
நூல் : புகாரி 5513
உயிரினங்களின் முகத்தில் வடு ஏற்படுத்துவதை நபிகள் நாயகம் (ஸல்) அவர்கள் தடை செய்துள்ளனர்.
அறிவிப்பவர் : ஜாபிர் (ரலி)
நூல் : முஸ்லிம் 2953
முந்தைய சமுதாயத்தில் ஒரு பெண்மணி பூனையைக் கட்டி வைத்து தீனி போடாததால் நரகம் சென்றதாக நபிகள் நாயகம் (ஸல்) கூறியுள்ளனர்.
அறிவிப்பவர் : இப்னு உமர் (ரலி)
நூல் : புகாரி 2365, 3318, 3842
இது போன்ற ஒழுங்குகளைக் கவனித்து பிராணிகளை வளர்க்க வேண்டும்.


நூலின் பெயர்--நவீன பிரச்சனைகளும் தீர்வுகளும்
ஆசிரியர் : பீ.ஜைனுல் ஆபிதீன்